Falsaður fréttaflutningur um ESB

Í gegnum tíðina hafa margar sögur um heimskulegar tilskipanir Evrópusambandsins birst í fjölmiðlum.  Þessar fréttir hafa oftast verið stórlega ýktar eða jafnvel uppspuni frá rótum.  Þrátt fyrir gott skemmtanagildi hafa þessar fréttir skaðað ímynd sambandsins í augum þeirra sem trúa þeim.

Ágætt dæmi er grein sem birtist í The Times þann 29. janúar 2003.  Þar kemur fram að bændur í Bretlandi hafi 3 mánuði til að setja leikföng í allar svínastíur til að svínin hafi eitthvað fyrir stafni annað en að narta í hvert annað.  Talsmaður breska bændaráðuneytisins túlkaði tilskipun ESB um bætta heilsu svína þannig að bændurnir þyrftu að verða sér úti um fótbolta eða körfubolta handa svínunum.  Helst þyrftu bændurnir líka að skipta reglulega um bolta í mismunandi litum.  Bændur sem ekki færu eftir þessari tilskipun þyrftu að reiða fram 1000 pund eða sæta fengelsun í 3 mánuði.

Staðreyndin er sú að tilskipun ESB fjallaði bara um að svínin hefðu aðgang að eitthverju til að ýta við og skoða, t.d. hey, strá, spýtur, sag eða sveppadrullu.  Það kom hvergi fram að svínin ættu að fá bolta til að leika sér með.  Ef bresk stjórnvöld vildu að bændurnir keyptu fótbolta var það eitthvað sem breska ríkistjórnin ákvað en ekki framkvæmdastjórn ESB.

 

Athugasemdir

[Ólafur B. Jónsson (IP-tala skráð) 21.5.2008 kl. 09:27]

Lesið:  Ræktum okkar eigin garð, í Morgunblaðinu í dag, 21. maí 2008, á blaðsíðu 26, til að bæta þekkingu ykkar á ESB.

[Hjörtur J. Guðmundsson, 21.5.2008 kl. 15:42]

Stærsta ESB-goðsögnin

Flestir hafa sjálfsagt heyrt minnst á fræga staðlaáráttu Evrópusambandsins; ferhyrnd jarðarber, bogna banana, sjómenn með hárnet - uppistaðan í fyrirsögnum breskra æsifréttablaða. Evrópusambandssinnar eru ævareiðir yfir slíkum fréttaflutningi. Skrifstofa Evrópusambandsins í London gefur t.a.m. reglulega út samantekt yfir það sem hún kallar ESB-goðsagnir ("Euro-myths") og stór hluti af heimasíðu samtaka breskra Evrópusambandssinna, "Britain in Europe", fer í umfjöllun um þær.

Það er auðvitað rétt að vissu marki að dagblöð eiga það til að ýkja hlutina. En það sérkennilegasta við þessar svokölluðu ESB-goðsagnir er eeigi að síður hversu oft þær reynast sannar við nánari skoðun.

Þetta kom t.a.m. skýrt fram ekki alls fyrir löngu þegar nokkrir breskir embættismenn fóru fyrir dómstóla og kröfðust þess að réttur þeirra til að sækja til saka aðila sem hefðu á boðstólum banana með rangri lögun væri staðfestur. Já, það er raunverulega til reglugerð hjá Evrópusambandinu um lögun banana. Ég hef lesið hana sjálfur. Það er reglugerð nr. 2557/94. Þar eru skilgreint nákvæmlega leyfileg lengd og þvermál fyrsta flokks banana og auk þess tekið fram að þeir megi ekki vera of bognir. Sem betur fer fyrir breska réttarkerfið var kröfu embættismannanna hafnað af hæstarétti Bretlands.

Sama er að segja um agúrkur. Ég hafði margoft heyrt fullyrt að allar sögurnar um bognar agúrkur hefðu einfaldlega verið samdar af æsifréttablöðunum svo ég ákvað að kanna málið sjálfur. Og viti menn! Ég rakst á reglugerð 1677/88 sem kveður á um leyfilegan heildarboga á agúrkum og nákvæmt mál er ennfremur tekið fram, 10 mm bogi fyrir hverja 10 cm í lengd.

Staðreyndin er nefnilega sú að stærsta goðsögnin af þeim öllum er þegar því er haldið fram að sögur sem þessar séu goðsagnir. Nánast hverri einustu frétt um þessi mál er algerlega hafnað af forystu Evrópusambandsins. Fyrir nokkrum árum ritaði ég grein í The Daily Telegraph þar sem ég benti á þá staðreynd að samkvæmt hinum nýju metrakerfisreglum Evrópusambandsins væri ekki lengur löglegt að selja hálfpott af bjór. Svar við greininni kom frá skrifstofu sambandsins í London, án sjáanlegrar kaldhæðni, þess efnis að það væri fullkomlega löglegt - að því tilskildu að menn notuðu ekki orðið "hálfpottur".

Það skal annars vel viðurkennast að beinir bananar munu ólíklega þýða alger endalok bresks fullveldis. Í samanburði við t.a.m. tortímingu bresks sjávarútvegs, eyðingu hinna bresku hefða um grundvallarlög og hina sameiginlegu landbúnaðarstefnu er málið varðandi bananana einungis smávægilegt atriði. En það er hins vegar meira en lítið áhugavert að fylgjast með því hvernig kerfiskallar Evrópusambandsins reyna ávallt að fela það sem þeir eru raunverulega að gera. Ef þeir eru svona viðsjárverðir varðandi ómerkilegt atriði eins og banana, getum við þá virkilega treyst þeim t.d. varðandi evruna?

Daniel Hannan

Höfundur greinarinnar er þingmaður á Evrópuþinginu fyrir breska Íhaldsflokkinn og dálkahöfundur á The Daily Telegraph. Heimasíðan hans er á slóðinni www.hannan.co.uk.

http://www.mbl.is/mm/gagnasafn/grein.html?grein_id=747863

[Gunnlaugur Ingvarsson (IP-tala skráð) 21.5.2008 kl. 17:02]

Það þarf engu að ljúga uppá þetta skrifræðis alræðis bandalag Evrópusambandið og skriffinna þess. Hér í greinini fyrir ofan reyna rétttrúaðir Evrópusambandssinnar að segja þessa hlægilegu svínasögu um boltana og að þetta hafi alls ekki verið embættismönnunum í Brussel að kenna hvernig þetta var mattreitt ofan í Breska bændur, nei nei þetta hafi bara verið heimskir og vitlausir Breskir embættismenn, segja þeir hróðugir. Eins og það sé einhver stórmunur þar á. Ég hef ekki vitað til þess að það væri mikill munur á kúk og skít.  Sannleikurinn er sá að bara við það að vera í ESB þurfa viðkomandi aðildarríki að bæta við haugum af embættismönnum og eftirlitsmönnum til þess að fylgjast með og túlka allar reglugerðirnar og pappírsflóðið og tilskipanirnar frá Brussel. Þetta eykst alltaf og er að verða ein stærsta atvinnugrein sumra þessara þjóða og kallast eftirlitsiðnaður. Mikil framlegð þar eða hitt þó heldur. Þessir embættismenn eru yfirleitt alls ekki taldir með möppudýrunum í Brussel. En eru náttúrlega ekkert annað en bein framlenging og afleiðing á þeirri hörmulegu vitleysu allri. Þetta stóð eftirlitsmanna og reglna og tilskipana dregur stórlega úr framleiðni og samkeppnishæfni atvinnulífs þessara landa og á bara eftir að versna. Fyrir utan allt sem þetta kostar og heimskuna og vitleysuna þá mætti nú líka minnast á alla sóunina og spillinguna sem þrífst og fitnar eins og púkinn á fjósbitanum hjá þessu bandalgi Andskotans. Talið er að árlega gufi upp eða týnist yfir 50 milljarðar Evra úr sjóðum Sambandsins. Þokkalegt það.

Ársreikningar þessa háheilaga sambands hafa ekki fengist undirritaðir af lögskipuðum endurskoðendum Sambandsins í heil 14 ár. Afhverju er það. Jú þeir hafa ekki treyst sér til þess og segja reyndar að reikningarnir séu óskiljanlegir og stemmi  engan vegin enda týnast þar árlega milljarðar Evra. Hver ber ábyrgð á þessari ósvinnu. Svarið er enginn, Evrópusambandið er að verða ein lögleg persóna eins og þið Evrópusambandssinnar segið hróðugir. Sambandið komið með sinn eigin leiðtoga og ráðherra og fána og þjóðsöng og allt saman  ÞIÐ GETIÐ ÞÁ BRÁTT FARIÐ AРKYRJA EINUM KÓR: "EIN REICH ! EINE FUHRER !"

Það verður vonandi aldrei á Íslandi sem ykkur verður að þeirri ósk ykkar.

Ég skora líka á marga ykkar sérstaklega unga fólkið sem ánetjast hefur þessum falska fagurgala og Evrópusambands þrugli að endurskoða alvarlega þessa afstöðu ykkar og hlusta vel á það sem við andstæðingar aðildar höfum að segja. Það er sko aldeilis ekki að ástæðulausu sem svo margir vara mjög sterklega við þessu. Hvað skyldi Jóns Sigurðsson frelsishetja okkar íslendinga hafa sagt við þessu.

LIFI FRJÁLST OG FULLVALDA ÍSLAND !  

[Gunnar Rögnvaldsson, 21.5.2008 kl. 22:06]

Svínin fá nýtt líf en það verður lengra og lengra fyrir bændur að fara í gömlu bankana og sparisjóðina sína. Í dag skrifar Berlingske að það séu um 208 sjálfstæðar peningastofnanir hér í Danmörku.

Af þessum 208 eru 42 sem kallast litlir bankar og sparisjóðir. Margir þessara eru yfir 100 ára gamlir bankar og sparisjóðir. En nýr reglugerðar frumskógur ESB er núna að taka þessa litlu banka af lífi. Þeir hafa ekki mannskap til að annast sömu stærð pappírsfjalla og stóru bankarnir einnig fá úthlutað til að ráða fram úr. Það er ekki gert uppá milli, segja þeir. Litlir bankar fá sama skammt og stórir bankar.

Sumir þessara gömlu banka og sparisjóða hafa einungs 10 starfsmenn. Sjálfur er ég með bílalán mitt í Sparekasse Helgenæs, en hann er rekin í hlutavinnu eins manns sem einnig er lektor við verslunarháskóla Árósa. Ég held að þetta sé elsti starfandi banki Danmerkur. Við gengum frá bílaláninu yfir kaffibolla og vínabrauði í húsakynnum bankans sem er á Helgenæs á Mols. Nánast engin pappírsvinna og lægri vextir en annarsstaðar. Ekkert veð því hann þekkti okkur af fyrri viðskiptum.

Það er ekkert skilti og einginn sem þekkir ekki til staðhátta veit að þarna á sveitabænum sé banki. En hann er þarna samt og hefur verið þarna síðan 1869. En samkæmt vilja ESB mun þetta breytast.

Haraldur Blátönn var særður dauðasári þarna á bökkum sparisjóðsins árið 985. En bráðum verða grasi vaxnir bakkarnir teppalagðir með reglugerðum ESB í staðinn. Hugrakkir menn í Brussen munu stjórna útförinni.

http://www.business.dk/article/20080521/finans/80521185/

[Gunnar Rögnvaldsson, 21.5.2008 kl. 22:56]

Af þessu má ráða að Sviss mun aldrei ganga í ESB, því þá er mjög líklegt að þeir þyrftu að loka flestum litlum og gömlum bönkum landsins - sem eru um 400 talsins, þ.e 400 sjálfsæðir og óháðir bankar. Svisslendingar vita þetta vel og munu aldrei ganga í ESB. Aldrei.