Bara einn kostur, ESB!

Íslendingar verða að ganga til viðræðna við ESB, annað er skammsýni.  Til marks um þau mörgu tækifæri sem bíða handan við hornið skal bent á nýlegt viðtal við Joseph Daul við EurActiv netmiðilinn.

Þar kemur fram að Joseph ásamt ýmsum þingmönnum Evrópuþingins vill að ESB gefi út skuldabréf.  Skuldabréfaútgáfuna má nota til að fjármagna framkvæmdir á vegum sambandsins.  Þessi leið hefur þann kost fram yfir skattlagninu að hverjum og einum er frjálst að kaupa bréfin.

Sambandið verður því ekki háð skattborgurum eða kjósendum í hverju landi fyrir sig ef það vill afla nýrra tekna.  Þessar tekjur er síðan hægt að nota til vopnakaupa, öryggisgæslu, vegaframkvæmda o.s.fr.  Helsta gagnrýni á þessar tillögur er að við útgáfu skuldabréfanna þyrftu aðildarlönd að leggja fram auknar trygginar fyrir þeim.  

 

Umboð Evrópunefndar víkkað út

Athugasemdir

[Jóhann Steinar Guðmundsson (IP-tala skráð) 13.12.2008 kl. 21:26]

Þetta er nú meiri áróðurinn. ESB klíkunni er skítsama um Ísland. Sorglegt hvað margir eru hlinntir því að ganga í þetta skriffinsku og reglugerðabandalag.

Helsta hagsmunamál íslendinga til lengri tíma er að halda okkur utan þessa bandalags. Þeir sem vilja framselja fullveldi Íslands til Brussel eru að keppa í leik sem ég vona frá hjartans rótum að þeir tapi.

[gunnar (IP-tala skráð) 13.12.2008 kl. 21:45]

ESB er ekkert annað en fríverslunarbandalag, og hefur verið það frá því að Kol og Stálbandalagið var stofnað eftir síðustu heimsstyrjöld.

A lonesome cowboy is not strong.

[Rögnvaldur (IP-tala skráð) 13.12.2008 kl. 21:52]

Ég las um þessa skuldabréfaútgáfu um daginn og verð að lísa yfir hvað mér líst vel á hana. Það væri líka gott fyrir Íslendinga að vera í esb og hafa þá til að verja okkur. Svo ég stið Samfylkinguna því þeir vilja ganga í esb en svo findist mér að við ættum að segja okkur úr nató því esb mun verða næsta varnarbandalag og taka yfir hlutverk nató þegar Bandaríkin hætta að vera stórveldi. Þá er einmitt rosalega sniðugt að hafa skuldabréfaútgáfuna til að fjármagna varnarkerfið.

[Sigurður Viktor Úlfarsson, 14.12.2008 kl. 00:25]

Um leið og fólk notar rök eins og "bara einn kostur" er það orðið hættulegt.  Það eru alltaf margir kostir.  Lykilatriðið er að reyna að greina þá og velja á milli.  Það er ekki bara einn kostur.

[Funi (IP-tala skráð) 14.12.2008 kl. 01:21]

...og eins og ástandið er í dag... hver heldurðu að myndu kaupa bréfin okkar?  ESB er fráleitur kostur eins og staðan er í dag og glæpsamlegt að vekja einhverjar vonir um betra líf með ESB.  Við þurfum að taka til í okkar eigin geymslu áður en við förum að taka svona ákvarðanir.  Fyrir utan það að fólkið í landinu þarf að vita hvað ESB hreinlega þýðir áður en það kýs um "ósk um inngöngu". 

[Gunnar Rögnvaldsson, 21.12.2008 kl. 07:45]

ESB er ekkert annað en fríverslunarbandalag, og hefur verið það frá því að Kol og Stálbandalagið var stofnað eftir síðustu heimsstyrjöld.

Rangt. EFTA er fríverslunarbandalag. ESB er tollabandalag.

Stærsti viðskiptaaðili tollabandalags ESB er fríverslunarbandalagið EFTA.

Kveðjur